మెదడుకు మేత

మెదడుకు మేత - 29

1 .కర్రలున్న చెట్టు కర్రలనిండా కాయలు కాయను కోస్తే కూరకొస్తుంది

2 .లంకల్లొ పెరిగేటి డొంకలను కోసి - మాగేసి మగ్గేసి చదునుగా చేసి - ఊదని బూరాలు కాల్చి వేస్తారు - మింగని సారాన్ని ఉమ్మి వేస్తారు

3 .రాణి అంటే రాణి కాదు

రాత్రులు రాజ్యం ఏల్తుంది

చక్కని కమ్మని విందుకు పిలిచి

ముక్కుకు పండుగ చేస్తుంది

4 .కోట కాని కోట ఇంటికో కోట

కోటలో ఉంటుంది మేటి రాజీవి

వైద్యం కోసం వైద్యులు వస్తే

నైవేద్యం కోసం పిల్లలు వస్తారు

5..ఇక్కడ కట్టిన కట్లు ఇనప కట్లు- మద్దూరి చెరువులో మాయమై పోయె

6 .వీధిలో పెద్ద మనిషి - వికారపు మనిషి - ఒకరొస్తే లేవడు - ఇద్దరోస్తే లేస్తాడు

7 .కుంటలో ఉంటుంది కొంటె గుంట- బొమిక లైనా లేని బొడి గుంట

8 .దమ్మిడీ గుర్రం దుమ్ము రేపింది

9 .ముక్కు నలుపు చెక్కు లెరుపు

10 .ఆకాశ రామన్న రసగుండ్లు రాల్చితే - తినలేని బాపనయ్య తిరిగి చూశాడు

దేవకి అక్షర ప్రయాణం